ԵՐԵՎԱՆ, 1 փետրվարի — Sputnik. Փետրվարի 15-ից 18-ը Երևանում կանցկացվի բասկետբոլի մրցավարական սեմինար: Հայաստանի բասկետբոլի ֆեդերացիայի եւ ՖԻԲԱ-Եվրոպայի հրավերով սեմինարը կվարի իսպանացի հայտնի մասնագետ Ֆերնանդո Գարսոնը:
Այս մասին տեղեկացնում է ՀԱՕԿ–ի մամուլի ծառայությունը։
Սեմինարի ընթացքում հայ մրցավարները կսպասարկեն նաև Հայաստանի մինչև 12-13 տարեկանների առաջնության եզրափակիչ հանդիպումները, որոնք կկայանան Օլիմպավանում:
Ֆերնանդո Գարսոնը փորձառու մրցավար է, որը վերջին տարիներին զբաղվում է մրցավարների վերապատրաստմամբ՝ համագործակցելով ՖԻԲԱ-ի և Իսպանիայի բասկետբոլի ֆեդերացիայի հետ: