ԵՐԵՎԱՆ, 31 հունվարի — Sputnik. Մոսկվայի «Սվյատոգոր» բիզնես կենտրոնում` մետրոյի «Պավելեցկայա» կայարանի մոտ, այսօր կեսօրին կրակոցներ են հնչել, կան տուժածներ։ Այս մասին հայտնում է ՌԻԱ Նովոստին։
«Դեպքի վայր են մեկնել քննչական խմբերը։ 02 ծառայության ստացած ահազանգի համաձայն` բիզնես կենտրոնում հնչած կրակոցների հետևանքով մարդիկ են տուժել»,- հայտնել է գործակալության աղբյուրը։
Ռուսական լրատվամիջոցները, հղում անելով ականատեսներին, հայտնում են, որ դեպքի վայր են մեկնել նաև բժիշկները։
«Սվյատոգոր» կենտրոնում տասնյակ կազմակերպություններ են տեղակայված։ Դեպքի մանրամասները դեռ պարզ չեն։