ԵՐԵՎԱՆ, 31 հունվարի — Sputnik. ԱՄՆ ազգային ժողովրդավարական ինստիտուտի (NDI) վրաստանյան գրասենյակի ղեկավար Լորա Տորնտոնը ներողությունէ խնդրել կայքում մեծ աղմուկ արած սոցիալական իր հրապարակման համար։
Այս մասին հայտնում է Sputnik Գրուզիան։ Տորնտոնը` պատասխանելով Imedi հեռուստաալիքի լրագրողի այն հարցին` արդյո՞ք NDI-ն պատրաստվում է հարցում անցկացնել ԱՄՆ ԶՈՒ ու Ռուսաստանի հակամարտության մասին, արհարարհական պատասխան է տվել` Թրամփը դժվար թե Վրաստանը քարտեզի վրա գտնի, էլ ուր մնաց Վրաստանում անցկացված հարցման արդյունքներրին հետևի։
Այդ խոսքերը վիրավորել էին ոչ միայն Վրաստանի բնակչությանն, այլ նաև իշխող վերնախավին, որը Տորնտոնից պահանջել էր հրապարակայնորեն ներողություն խնդրել։ Սակայն Տորնտոնը դեռ երեկ հայտնել էր, որ նա Ամերիկայի քաղաքացի է ու ոչ ոքից չի պատրաստվում ներողություն խնդրել։ Սակայն այսօր իրավիճակը փոխվեց։
«Իմ անձնական էջի հրապարակումը կարող էր անարդար ձևով մեկնաբանվել Վրաստանի ու վրաց-ամերիկյան հարաբերությունների համար։ Ներողություն եմ խնրում, ես այդպիսի նպատակ չեմ ունեցել։ Ես հավատում եմ մեր ամուր հարաբերություններին, որոնք հիմնված են ընդհանուր շահերի ու արժեքների վրա։ NDI-ի գրասենյակը հավատարիմ է այն աշխատանքին, որն իրականացնում է Վրաստանում», — ասել է Տորնտորը։