ԵՐԵՎԱՆ, 31 հունվարի — Sputnik. Լոնդոնի «Արսենալը» կրկին միավորել է գաբոնցի հարձակվող Պիեր-Էմերիկ Օբամեյանգին և հայ կիսապաշտպան Հենրիխ Մխիթարյանին. Լոնդոնի ակումբը հաստատել է «Բորուսիայի» հարձակվողի տրանսֆերը։
«Yo Pierre։ Ուզում ես մեզ մոտ գա՞լ», — ասում է Մխիթարյանը` «Արսենալի» պաշտոնական էջում հրապարակված տեսահոլովակում։
Նաև լուսանկար է հրապարակվել, որում Դորտմունդի «Բորուսիայի» նախկին խաղացողներն են։
«Ընկերները վերամիավորվել են», — գրված է Մխիթարյանի և Օբամեյանգի համատեղ լուսանկարի վերևում։
Հենրիխ Մխիթարյանի տեղափոխությունը չիլիացի կիսապաշտպան Ալեքսիս Սանչեսի` «Մանչեսթեր Յունայթեդ» տեղափոխվելու գործարքի մի մասն էր դարձել։