ԵՐԵՎԱՆ, 29 հունվարի — Sputnik. «Ռոսիա սեգոդնյա» տեղեկատվական գործակալության և RT միջազգային ալիքի գլխավոր խմբագիր Մարգարիտա Սիմոնյանը պատասխանել է Google-ին։
«Մենք չէինք հավատում, որ Google-ը Կենտրոնական հետախուզական վարչությունից է, բայց արի ու տես…», — ասել է նա, երբ Google —ը սկսել է պիտակել իբր «արտասահմանյան պետության կողմից ֆինանսավորվող» նյութերը։
Մասնավորապես, ընկերությունը հայտարարել է, որ արդեն երևում են հատուկ պիտակներ, որոնք ցույց են տալիս ռուսական իշխանությունների և RT-ի կապը։ Նույնը տեղի կունենա YouTube-ում, հաղորդել են ընկերության ներկայացուցիչները սենատում, այսպես կոչված, «ընտրություններին ռուսական միջամտության» մասին լսումների ժամանակ։
ԱՄՆ-ում Դոնալդ Թրամփի` իշխանության գլուխ անցնելուց հետո հետաքննություն է ընթանում «ամերիկյան ընտրություններում ռուսական միջամտության» վերաբերյալ։ Թեև մինչև հիմա ապացույցներ չեն գտել, այնուհանդերձ Ռուսաստանի և ռուսական ԶԼՄ-ների նկատմամբ կիրառվում են սահմանափակող միջոցներ։
Այսպես, ավելի վաղ Twitter սոցցանցն արգելափակել էր ռուսական RT և Sputnik ալիքների գովազդը։