Արտակարգ իրավիճակ Երևան-Իջևան ավտոճանապարհին. կան կողաշրջված մեքենաներ

ԵՐԵՎԱՆ, 24 հունվարի — Sputnik. Այսօր՝ հունվարի 24-ին, խոշոր ավտովթարներ են տեղի ունեցել Կոտայքի մարզում։ Ժամը 08։00-ի սահմաններում Երևան-Իջևան ավտոճանապարհի՝ Հրազդանի վարչական տարածքում ճանապարհի մերկասառույցի պատճառով կողաշրջվել են Ford և ВАЗ 2101 մակնիշի ավտոմեքենաները։ Այս մասին հայտնում է shamshyan.com-ը։

Ըստ նախնական տեղեկությունների` բարեբախտաբար, զոհեր, վիրավորներ չկան, բայց 1 ժամվա ընթացքում 10-ից ավելի վթարներ են գրանցվել։

Վարորդները նշել են, որ եթե պատկան մարմինները ճանապարհի մշակման աշխատանքներ կատարեին, ապա մերկասառույց չէր լինի։

Կայքում նշված է, որ ավտոմեքենաները ձորը չեն գլորվել, քանի որ բախվել են ծառերին։