ԵՐԵՎԱՆ, 21 հունվարի — Sputnik. Դժբախտ պատահարի հետևանքով ադրբեջանցի զինվորական է զոհվել, հայտնում է Ադրբեջանի ՊՆ մամուլի ծառայությունը:
Ինչպես գրում են ադրբեջանական ԶԼՄ-ները, զոհվածը գնդապետ Ռագիմ Ալիևն է: Նրա մահը լայն արձագանք ստացավ ադրբեջանական հասարակության շրջանում և սոցցանցերում:
Ադրբեջանի ՊՆ-ի տվյալներով, միջադեպը (դժբախտ պատահարը) տեղի է ունեցել ուսումնական կենտրոններից մեկում` պարապմունքների ժամանակ:
Զինծառայող Ալիև Ռագիմ Ահմեդ օղլուին հուղարկավորել են զինվորական կարգի համաձայն:
Փաստի առիթով զինվորական դատախազությունը հետաքննություն է իրականացնում:
Թե ինչ պայմաններում է զոհվել զինծառայողը, հայտնի չէ: