ԵՐԵՎԱՆ, 20 հունվարի — Sputnik. Հունվարի 20-ից մինչև նոյեմբեր ամիսը կդադարեցվի մայրաքաղաքի Հալաբյան փողոցից դեպի Իոսիֆյան փողոց տանող ճանապարհահատվածի երթևեկությունը: Այս մասին հայտնում է Երևանի քաղաքապետարան մամուլ ծառայությունը։
Դա պայմանավորված է Աշտարակի խճուղին Եղվարդի խճուղուն կապող Դավթաշենի նոր ճանապարհի կառուցման աշխատանքներով։
Որպես այլընտրանք առաջարկվում է երթևեկել Եղվարդի խճուղի — Սասնա Ծռեր ճանապարհահատվածով:
Պատճառվող ժամանակավոր անհարմարությունների համար քաղաքապետարանը հայցում է բնակիչների ներողամտությունը: