Հայ-ադրբեջանական բանակցությունների այս փուլում միայն դետալներ են քննարկվում։ Առանցքային խնդիրներ, որոնց շուրջ կողմերը կարող ենք ընդհանուր հայտարարի գալ չկան։ Sputnik Արմենիայի հետ զրույցում, մեկնաբանելով ՀՀ և Ադրբեջանի ԱԳ նախարարների հանդիպումը, ասել է քաղաքագետ Երվանդ Բոզոյանը։
«Սակայն այս բանակցություններն ավելի կարևոր են, քան դրանց բացակայությունը, քանի որ դա հղի է նոր պատերազմի վերսկսման վտանգով»,– ասել է Բոզոյանը։
Ընդհանուր հայտարարից, սակայն, կողմերն առայժմ հեռու են, կարծում է քաղաքագետը։
«Հատկապես Կազանից հետո, երբ Հայաստանն ընդունեց, իսկ Ադրբեջանը մերժեց Ռուսաստանի առաջարկը, գծվեց կարմիր գիծ, որտեղ դժվար էր կռահել, թե որ հարցում կարող են կողմերը գնալ ընդհանուր հայտարարի»,– ասաց Բոզոյանը` հավելելով, որ Ադրբեջանը կողմ է, որ անորոշ ձևակերպումներով հետաձգվի ԼՂ կարգավիճակի որոշման հարցը, մինչդեռ Հայաստանը կտրականապես մերժում է այս դիրքորոշումը։