ԵՐԵՎԱՆ, 18 հունվարի — Sputnik. Ավարտվել է Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը։ Այդ մասին Twitter-ի իր էջում հաղորդել է ՀՀ ԱԳՆ մամուլի քարտուղար Տիգրան Բալայանը։
Էդվարդ Նալբանդյանը և Էլմար Մամեդյարովը հանդիպել են Կրակովում` ԵԱՀԿ Մինսկի խմբի համանախագահների նախաձեռնությամբ։ Հանդիպումը տևել է մոտ երեք ժամ։
Հայաստանի և Ադրբեջանի ԱԳՆ ղեկավարների վերջին հանդիպումը կայացել է 2017թ.–ի դեկտեմբերի 6–ին Վիեննայում։