ԵՐԵՎԱն, 10 հունվարի — Sputnik. Հնդկական Ուտտար Պրադեշ նահանգում վերջին օրերին անոմալ ցրտի պատճառով 40 մարդ է մահացել։ Այսօր այս մասին հայտնել է հնդկական IANS գործակալությունը։
Հունվարի 5-ից ի վեր ավելի քան 150 մարդ է մահացել, որոնց թվում տարեցներ ու երեխաներ կան։
Աղբյուրի տվյալներով` Հնդկաստանում այս օրերին վառ արտահայտված բնական անոմալիաներ են նկատվում։ Ուտտար Պրադեշ նահանգի շրջաններում օդի ջերմաստիճանը հասել է 2,9 աստիճանի։
Բարձր խոնավության ու քամիների պատճառով նահանգը պատվել է մառախուղով, տեսանելիությունը 15-20 մետր է, դպրոցներում հետաձգվել են դասերը։