ԵՐԵՎԱՆ, 10 հունվարի — Sputnik. Անգլիական «Մանչեսթեր Յունայթեդ» ակումբը պատրաստ է հայ կիսապաշտպան Հենրիխ Մխիթարյանին հրաժեշտ տալ 2018 թվականի հունվարին, հայտնում է The Independent-ը:
Մխիթարյանը պատրաստ է վերադառնալ նախկին ակումբ, «Բորուսիան», իր հերթին նույնպես հետաքրքրված է նրա ծառայություններով:
Սակայն էական տարբերություն կա գերմանական ակումբի կողմից կիսապաշտպանին առաջարկվող պոտենցիալ աշխատավարձի և ներկայիս նրա աշխատավարձի միջև:
Այժմ Մխիթարյանը շաբաթական 120 հազար ֆունտ ստեռլինգ է ստանում, իսկ «Բորուսիան» նրան կարող է ավելի ցածր աշխատավարձ առաջարկել:
Կիսապաշտպանով հետաքրքրված է նաև «Ինտերը» և կարող է միջամտել պայքարին: Հավանական է, որ «կարմիր սատանաների» գլխավոր մարզիչ Ժոզե Մոուրինյոն կօգտագործի դա ամռանը «Ինտերի» խաղացող Իվան Պերիշիչին ձեռք բերելու համար:
Ավելի վաղ հայտնել էին, որ եթե «Ինտերին» չհաջողվի ստանալ հայ կիսապաշպանին, ապա ակումբը կփորձի համալրել շարքերը «Բարսելոնայի» կիսապաշտպան Ռաֆինյա Ալկանտարայի հաշվին:
Անգլիական ակումբը պատրաստ է Մխիթարյանին հրաժեշտ տալ 35 մլն ֆունտ ստեռլինգի դիմաց:
Որոշ անգլիական ԶԼՄ-ների տեղեկության համաձայն` հայ ֆուտբոլիստը դժգոհ է Մոուրինյոյի վերաբերմունքից և ուզում է Դորտմունդի «Բորուսիա» վերադառնալ:
Հենրիխ Մխիթարյանը Բորուսիայի կազմում խաղացել է 2013-2016 թվականներին: Այդ ընթացքում նա երկու անգամ Գերմանիայի սուպերգավաթի հաղթող է դարձել: