ԵՐԵՎԱՆ, 9 հունվարի — Sputnik. Հայկական գինին պետք է անպայման համտեսել, կարծում է երգչուհի Ջոուն Սթոունը։
Նա տարբեր խմիչքներ է փորձել բազում երկրներում, բայց ամենաշատը դուր է եկել հայկական գինին։ Այս մասին նա խոսել է Pop Matters պարբերականին տված հարցազրույցում։ Երգչուհին ափսոսանքով է նշել, որ չի կարողանում այդ գինին ամեն օր ըմպել։
«Գինին կավե սափորում էր, այդպես է ընդունված նրանց մոտ։ Եթե ստացվի, անպայման համտեսեք։ Ես էլ միշտ չեմ խմում, ելույթների նախորդ օրն ընդհանրապես չեմ խմում»,- ավելացրել է նա։
Երգչուհին ևս մեկ անգամ հորդորել է անպայման համտեսել հայկական գինին։