ԵՐԵՎԱՆ, 5 հունվարի – Sputnik. Հայաստանի քննչական կոմիտեի Սյունիքի մարզային քննչական վարչության Սիսիանի քննչական բաժնում գողության փաստով հարուցվել է քրեական գործ: Այս մասին հայտնում է shamshyan.com-ը։
Նշված քրգործը հարուցվել է այսօր՝ հունվարի 5-ին, անհայտ անձի կամ անձանց կողմից Սիսիան քաղաքի Սիսական 39 հասցեում գործող «Հայփոստից» կատարված գողության դեպքով:
Կայքի տեղեկություններով՝ գողություն կատարողը կամ կատարողները «Հայփոստ» են մտել լուսամուտից:
Ոստիկանությունն ու քննչական բաժինը պարզում են, թե ինչքան գումար են հափշտակել:
Այս պահին «Հայփոստում» աշխատում է քննչական խումբը՝ Սիսիանի քննչական բաժնի պետ Արմեն Կավեյանի գլխավորությամբ:
Տեղում են նաև Ոստիկանության Սիսիանի բաժնի օպերատիվ խումբը՝ Սիսիանի ոստիկանապետ Արմեն Մարկոսյանի գլխավորությամբ:
Փաստի առթիվ տեղում քննչական աշխատանքները ղեկավարող ավագ քննիչ Արիստակես Գրիգորյանի կողմից տեղում կատարվում է դեպքի վայրի զննություն:
Ժամանել են նաև Ոստիկանության Սյունիքի մարզային վարչության փորձաքրեագետները: