Տեղի ունեցածի մեջ իշխանությունները տեսնում են արևմուտքի դերը: Թե ինչ է տեղի ունենում հարևան երկրում Sputnik Արմենիայի եթերում մեկնաբանում է իրանագետ Ահարոն Վարդանյանը։
«Մարդիկ փողոց դուրս եկան թանկացումների դեմ, ու այդ ամենից անմիջապես սկսեցին օգտվել արևմտյան երկրները`փորձելով պղտոր ջրում ձուկ որսալ։ Ամբողջ արևմտյան մամուլը հեղեղվեց իրանական ցույցերի մասին կարծիքներով, նկարներով ու տեսագրություններով։ Ու տպավորությունն այնպիսին էր, որ Իրանում շուտով տեղի կունենա այն, ինչ տեղի ունեցավ Սիրիայում, Իրաքում կամ Լիբիայում։ Սակայն Իրանը մի քիչ ճանաչողը կհասկանա, որ այդպես չի կարող լինել։ Ցույցերի մասնակիցների թիվն այդքան մեծ չէ, ինչքան ներկայացնում են արևմտյան լրատվամիջոցները, և իրավիճակն էլ այդպես խուճապային չէ»,–ասում է իրանագետը։
Նրա խոսքով` շատ արագ իրանական լրատվական դաշտը իր ձեռքը վերցրեց այն բացը, որից օգտվում էին արևմտյան և սաուդյան լրատվամիջոցները։