https://arm.sputniknews.ru/20250628/ekeghecu-dem-ajs-gvortsyntacn-uni-mimiajn-qaghaqakan-ughghvordum-arman-tatvojan-90734587.html
Փաշինյանը հանձնարարել է եկեղեցականների կյանքի վերաբերյալ տեղեկություններ հավաքել․ Թաթոյան
Փաշինյանը հանձնարարել է եկեղեցականների կյանքի վերաբերյալ տեղեկություններ հավաքել․ Թաթոյան
Sputnik Արմենիա
Իրավապաշտպանի խոսքով՝ շատ ակնհայտ է, որ վարչապետը քաղաքական հրահանգներով ուղղորդում է իրավապահների գործողությունները։ 28.06.2025, Sputnik Արմենիա
2025-06-28T01:20+0400
2025-06-28T01:20+0400
2025-06-28T01:42+0400
արման թաթոյան
հայ առաքելական եկեղեցի
նիկոլ փաշինյան
https://cdn.am.sputniknews.ru/img/07e9/06/1c/90734418_0:0:1200:676_1920x0_80_0_0_dbedd5c5ef21104bc98408cee2f973dd.jpg
ԵՐԵՎԱՆ, 28 հունիսի — Sputnik. Եկեղեցու դեմ այս գործընթացն ունի միմիայն քաղաքական ուղղորդում։ Այս մասին դատարանի բակում լրագրողներին ասաց իրավապաշտպան Արման Թաթոյանը։Նա ընդգծեց, որ եթե Աջապահյանի դեմ քրեական վարույթ են հարուցել, հիմք ունենալով 2024 թվականի հայտարարությունը, ապա հարց է առաջանում, թե ինչու դա չէին անում մինչ օրս։ Թաթոյանը վստահ է, իրավապահները պարզապես հիմքեր չէին գտել վարույթ նախաձեռնելու։«Հարց է առաջանում, թե ինչու այս վարույթը համընկավ իշխող կուսակցության ղեկավարի քաղաքական դիրքորոշումների հետ»,-ասաց նա։Թաթոյանը շեշտեց, որ ՔՊ-ականները, թաքնվելով հավատավոր քրիստոնյանի շղարշի տակ, հստակ ատելության խոսք են տարածում, վարկաբեկում եկեղեցականներին, փորձում հեղինակազրկել Հայ առաքելական եկեղեցին։ՀՀ նախկին ՄԻՊ–ը լրագրողներին ասաց, որ Փաշինյանը իրավապահներին հանձնարարել է եկեղեցականների կյանքի վերաբերյալ տեղեկություններ հավաքել։ Իսկ այս տեղեկությունը նա ստացել է ԵՊՀ–ում վարչապետի հետ կայացած հանդիպման մասնակիցներից: «Համապատասխան մարմիններին հանձնարարվել է տեղեկատվություն հավաքել կաթողիկոսի անձնական կյանքի վերաբերյալ: Այս տեղեկատվությունը հայտնվել է հանրային ոլորտում և չի հերքվել»:Թաթոյանը նկատեց, որ իշխանությունը ամենաբարձր մակարդակով խթանում է խտրականությունը, անհանդուրժողականությունը և հոգևորականության նկատմամբ թշնամանքը՝ օգտագործելով վարչական ռեսուրսները:Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։ Նա գրեթե ամեն օր գրառումներ է անում սոցցանցում` պահանջելով, որ կաթողիկոսը հեռանա։Գարեգին Երկրորդը հունիսի 22-ին հայտարարեց, որ ՀՀ իշխանությունների սանձազերծած հակաեկեղեցական արշավը լրջագույն սպառնալիք է ազգային միաբանությանը, երկրի ներքին կայունությունն ու ուղիղ հարված հայոց պետականությանը:Հունիսի 25-ի լույս 26-ի գիշերը 2 ամսով կալանավորվեց նաև Բագրատ արքեպիսկոպոս Գալստանյանը ու տեղափոխվեց ԱԱԾ շենքում գտնվող «Երևան-Կենտրոն» քրեակատարողական հիմնարկ։Իսկ հունիսի 27–ին Շիրակի թեմի առաջնորդի նկատմամբ քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արման թաթոյան, հայ առաքելական եկեղեցի, նիկոլ փաշինյան
արման թաթոյան, հայ առաքելական եկեղեցի, նիկոլ փաշինյան
Փաշինյանը հանձնարարել է եկեղեցականների կյանքի վերաբերյալ տեղեկություններ հավաքել․ Թաթոյան
01:20 28.06.2025 (Թարմացված է: 01:42 28.06.2025) Իրավապաշտպանի խոսքով՝ շատ ակնհայտ է, որ վարչապետը քաղաքական հրահանգներով ուղղորդում է իրավապահների գործողությունները։
ԵՐԵՎԱՆ, 28 հունիսի — Sputnik. Եկեղեցու դեմ այս գործընթացն ունի միմիայն քաղաքական ուղղորդում։ Այս մասին դատարանի բակում լրագրողներին ասաց իրավապաշտպան Արման Թաթոյանը։
«Շատ ակնհայտ է, որ վարչապետը քաղաքական հրահանգներով ուղղորդում է իրավապահների գործողությունները։ Նա անթաքույց դա ցույց է տալիս։ Շատ դժվար է այս ամենը իրավական գործընթաց կոչել»,-ասաց Թաթոյանը։
Նա ընդգծեց, որ եթե Աջապահյանի դեմ քրեական վարույթ են հարուցել, հիմք ունենալով 2024 թվականի հայտարարությունը, ապա հարց է առաջանում, թե ինչու դա չէին անում մինչ օրս։ Թաթոյանը վստահ է, իրավապահները պարզապես հիմքեր չէին գտել վարույթ նախաձեռնելու։
«Հարց է առաջանում, թե ինչու այս վարույթը համընկավ իշխող կուսակցության ղեկավարի քաղաքական դիրքորոշումների հետ»,-ասաց նա։
Թաթոյանը շեշտեց, որ ՔՊ-ականները, թաքնվելով հավատավոր քրիստոնյանի շղարշի տակ, հստակ ատելության խոսք են տարածում, վարկաբեկում եկեղեցականներին, փորձում հեղինակազրկել Հայ առաքելական եկեղեցին։
Այս ամենի հետևանքն այն է, որ հասարակությունը պառակտվում է, անհանդուրժողականությունը մեծանում է և լուրջ անվտանգային խնդիրներ են առաջանում երկրի ներսում։ Նախկին ՄԻՊ–ը հավելեց, որ սա հստակ գնահատական է , հիմնված փաստերի վրա։
ՀՀ նախկին ՄԻՊ–ը լրագրողներին ասաց, որ Փաշինյանը իրավապահներին հանձնարարել է եկեղեցականների կյանքի վերաբերյալ տեղեկություններ հավաքել։ Իսկ այս տեղեկությունը նա ստացել է ԵՊՀ–ում վարչապետի հետ կայացած հանդիպման մասնակիցներից: «Համապատասխան մարմիններին հանձնարարվել է տեղեկատվություն հավաքել կաթողիկոսի անձնական կյանքի վերաբերյալ: Այս տեղեկատվությունը հայտնվել է հանրային ոլորտում և չի հերքվել»:
Թաթոյանը նկատեց, որ իշխանությունը ամենաբարձր մակարդակով խթանում է խտրականությունը, անհանդուրժողականությունը և հոգևորականության նկատմամբ թշնամանքը՝ օգտագործելով վարչական ռեսուրսները:
Հիշեցնենք` ՀՀ վարչապետ Նիկոլ Փաշինյանը մայիսի 29-ին կառավարության նիստի ժամանակ
քննադատեց եկեղեցիների վիճակը՝ անվանելով դրանք «չուլանացված և աղբով լի»։ Հունիսի 2–ին
նա հայտարարեց` եթե պարզվի, որ Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։ Նա գրեթե ամեն օր գրառումներ է անում սոցցանցում` պահանջելով, որ կաթողիկոսը հեռանա։
Գարեգին Երկրորդը հունիսի 22-ին
հայտարարեց, որ ՀՀ իշխանությունների սանձազերծած հակաեկեղեցական արշավը լրջագույն սպառնալիք է ազգային միաբանությանը, երկրի ներքին կայունությունն ու ուղիղ հարված հայոց պետականությանը:
Հունիսի 25-ի լույս 26-ի գիշերը 2 ամսով
կալանավորվեց նաև Բագրատ արքեպիսկոպոս Գալստանյանը ու
տեղափոխվեց ԱԱԾ շենքում գտնվող «Երևան-Կենտրոն» քրեակատարողական հիմնարկ։
Իսկ հունիսի 27–ին Շիրակի թեմի առաջնորդի նկատմամբ
քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։
