https://arm.sputniknews.ru/20230306/pashinjann-ajcelel-e-haek-qnnarkel-2-rd-energablvoki-shahagvortsman-zhamkety-erkaradzgelu-harcy-56327109.html
Փաշինյանն այցելել է ՀԱԷԿ, քննարկել 2-րդ էներգաբլոկի շահագործման ժամկետը երկարաձգելու հարցը
Փաշինյանն այցելել է ՀԱԷԿ, քննարկել 2-րդ էներգաբլոկի շահագործման ժամկետը երկարաձգելու հարցը
Sputnik Արմենիա
Խորհրդակցության ընթացքում անդրադարձ է եղել ՀՀ էներգետիկայի ոլորտի ռազմավարության հեռանկարներին։ 06.03.2023, Sputnik Արմենիա
2023-03-06T16:49+0400
2023-03-06T16:49+0400
2023-03-06T16:55+0400
հայաստան
նիկոլ փաշինյան
ատոմակայան
https://cdn.am.sputniknews.ru/img/07e7/03/06/56324501_0:0:1601:901_1920x0_80_0_0_efd2365b5511123cbdb6c8b31bd22675.jpg
ԵՐԵՎԱՆ, 6 մարտի – Sputnik. ՀՀ վարչապետ Նիկոլ Փաշինյանն այցելել է «Հայկական ատոմային էլեկտրակայան» ՓԲԸ, որտեղ նրան զեկուցել են, որ ատոմակայանի թիվ 2-րդ էներգաբլոկի շահագործման ժամկետի կրկնակի երկարացման (ՇԺԵ-2) նախագիծն ընթացքի մեջ է։ Տեղեկությունը հայտնում է վարչապետի մամուլի ծառայությունը։ Անդրադարձ է եղել նաև ՀՀ էներգետիկայի ոլորտի ռազմավարության հեռանկարներին, որով նախատեսվում է մինչև 2040 թվականը զարգացնել ցածր ածխածնային արտանետումներով էներգիայի արտադրությունը՝ վերականգնվող և միջուկային էներգիայի արտադրությամբ: Այս համատեքստում ներկայացվել է միջազգային առաջատար փորձը:Քննարկման առարկա են դարձել նաև Հայկական ԱԷԿ-ի հետագա գործունեության հետ կապված անելիքները, այդ թվում՝ նոր էներգաբլոկի կառուցմանը, կադրերի մասնագիտական վերապատրաստմանը, միջազգային համագործակցությանը վերաբերող և այլ հարցեր:Վարչապետը ՀՀ էներգետիկ ոլորտի զարգացման համատեքստում կարևորել է ատոմակայանի անվտանգ ու հուսալի շահագործման ուղղությամբ հետևողական աշխատանքը և կառավարման արդյունավետության շարունակական բարելավումը:Կառավարության ղեկավարը նաև շրջայց է կատարել ատոմակայանի տարածքում։ Նա ծանոթացել է էլեկտրաէներգիայի արտադրության տեխնոլոգիական շղթայում ներառված հիմնանորոգված համակարգերին ու սարքավորումներին, մասնավորապես` բլոկի կառավարման վահանակի, տեղեկատվական-հաշվողական, նաև կայանի անվտանգ շահագործումն ապահովող այլ համակարգերի արդիականացման աշխատանքներին։Հավելենք, որ ՀԱԷԿ-ի թիվ 2-րդ էներգաբլոկի շահագործման նախագծային ժամկետը լրացել է 2016թ., և իրականացված արդիականացման լայնածավալ աշխատանքների շնորհիվ էներգաբլոկի շահագործման ժամկետը երկարացվել է 10 տարով։ Արդյունքում՝ 1995թ. ի վեր առաջին անգամ ատոմակայանն աշխատում է 100 տոկոս ջերմային հզորությամբ՝ 92 տոկոսի փոխարեն։Փաշինյանի հետ ՀԱԷԿ են այցելել նաև փոխվարչապետներ Մհեր Գրիգորյանը և Տիգրան Խաչատրյանը, ՏԿԵ նախարար Գնել Սանոսյանը, պետական վերահսկողական ծառայության ղեկավար Ռոմանոս Պետրոսյանը։Ադրբեջանցի պաշտոնյաները «հարձակվել են» ՀԱԷԿ–ի վրա. ո՞րն է նրանց իրական նպատակը
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, ատոմակայան
հայաստան, նիկոլ փաշինյան, ատոմակայան
Փաշինյանն այցելել է ՀԱԷԿ, քննարկել 2-րդ էներգաբլոկի շահագործման ժամկետը երկարաձգելու հարցը
16:49 06.03.2023 (Թարմացված է: 16:55 06.03.2023) Խորհրդակցության ընթացքում անդրադարձ է եղել ՀՀ էներգետիկայի ոլորտի ռազմավարության հեռանկարներին։
ԵՐԵՎԱՆ, 6 մարտի – Sputnik. ՀՀ վարչապետ Նիկոլ Փաշինյանն այցելել է «Հայկական ատոմային էլեկտրակայան» ՓԲԸ, որտեղ նրան զեկուցել են, որ ատոմակայանի թիվ 2-րդ էներգաբլոկի շահագործման ժամկետի կրկնակի երկարացման (ՇԺԵ-2) նախագիծն ընթացքի մեջ է։ Տեղեկությունը հայտնում է վարչապետի մամուլի ծառայությունը։
«Աշխատանքներն իրականացվելու են 2023-2026 թվականներին, մշակվել և Միջուկային անվտանգության կարգավորման կոմիտեի հետ համաձայնեցվել է ՇԺԵ-2 հայեցակարգը, պատրաստ է նաև Կառավարության որոշման նախագիծը, որով կմեկնարկի գործընթացը։ Արդյունքում ակնկալվում է, որ Հայկական ԱԷԿ-ի 2-րդ էներգաբլոկը հնարավոր կլինի անվտանգ շահագործել մինչև 2036 թվականը»,–նշվել է ԱԷԿ-ի ղեկավար կազմի հաշվետու զեկույցում։
Անդրադարձ է եղել նաև ՀՀ էներգետիկայի ոլորտի ռազմավարության հեռանկարներին, որով նախատեսվում է մինչև 2040 թվականը զարգացնել ցածր ածխածնային արտանետումներով էներգիայի արտադրությունը՝ վերականգնվող և միջուկային էներգիայի արտադրությամբ: Այս համատեքստում ներկայացվել է միջազգային առաջատար փորձը:
Քննարկման առարկա են դարձել նաև Հայկական ԱԷԿ-ի հետագա գործունեության հետ կապված անելիքները, այդ թվում՝ նոր էներգաբլոկի կառուցմանը, կադրերի մասնագիտական վերապատրաստմանը, միջազգային համագործակցությանը վերաբերող և այլ հարցեր:
Վարչապետը ՀՀ էներգետիկ ոլորտի զարգացման համատեքստում կարևորել է ատոմակայանի անվտանգ ու հուսալի շահագործման ուղղությամբ հետևողական աշխատանքը և կառավարման արդյունավետության շարունակական բարելավումը:
Կառավարության ղեկավարը նաև շրջայց է կատարել ատոմակայանի տարածքում։ Նա ծանոթացել է էլեկտրաէներգիայի արտադրության տեխնոլոգիական շղթայում ներառված հիմնանորոգված համակարգերին ու սարքավորումներին, մասնավորապես` բլոկի կառավարման վահանակի, տեղեկատվական-հաշվողական, նաև կայանի անվտանգ շահագործումն ապահովող այլ համակարգերի արդիականացման աշխատանքներին։
Հավելենք, որ ՀԱԷԿ-ի թիվ 2-րդ էներգաբլոկի շահագործման նախագծային ժամկետը լրացել է 2016թ., և իրականացված արդիականացման լայնածավալ աշխատանքների շնորհիվ էներգաբլոկի շահագործման ժամկետը երկարացվել է 10 տարով։ Արդյունքում՝ 1995թ. ի վեր առաջին անգամ ատոմակայանն աշխատում է 100 տոկոս ջերմային հզորությամբ՝ 92 տոկոսի փոխարեն։
Փաշինյանի հետ ՀԱԷԿ են այցելել նաև փոխվարչապետներ Մհեր Գրիգորյանը և Տիգրան Խաչատրյանը, ՏԿԵ նախարար Գնել Սանոսյանը, պետական վերահսկողական ծառայության ղեկավար Ռոմանոս Պետրոսյանը։
