https://arm.sputniknews.ru/20230113/bari-galust-tun-pjunikin-e-miacel-32-amja-kisapashtpan-edgar-malaqjany-53772760.html
Բարի գալուստ տուն. «Փյունիկին» է միացել 32-ամյա կիսապաշտպան Էդգար Մալաքյանը
Բարի գալուստ տուն. «Փյունիկին» է միացել 32-ամյա կիսապաշտպան Էդգար Մալաքյանը
Sputnik Արմենիա
Մալաքյանը «Փյունիկի» սան է: 2007 թվականի մրցաշրջանում նա «Փյունիկ-2»-ի կազմում դարձել է Հայաստանի առաջին խմբի առաջնության հաղթող: 13.01.2023, Sputnik Արմենիա
2023-01-13T12:37+0400
2023-01-13T12:37+0400
2023-01-13T12:44+0400
հայաստան
ֆուտբոլ
ֆուտբոլիստ
փյունիկ
https://cdn.am.sputniknews.ru/img/903/45/9034504_0:0:1600:901_1920x0_80_0_0_d36846d8dcd51c13e99c1b992990eccd.jpg
ԵՐԵՎԱՆ, 13 հունվարի – Sputnik. 32-ամյա կիսապաշտպան Էդգար Մալաքյանը պայմանագիր է կնքել «Փյունիկ» ֆուտբոլային ակումբի հետ։ Տեղեկությունը հրապարակվել է ակումբի կայքում։«Բարի գալուստ տուն, Էդգար»,- ողջունել է «Փյունիկը» և հիշեցրել Մալաքյանի ամենագեղեցիկ գոլերից մեկը, որը նա խփել է 12 տարի առաջ՝ Չեմպիոնների լիգայի խաղարկության որակավորման փուլում գրավելով Չեխիայի չեմպիոն Պլզենի «Վիկտորիայի» դարպասը։Մալաքյանը «Փյունիկի» սան է: 2007 թվականի մրցաշրջանում նա «Փյունիկ-2»-ի կազմում դարձել է Հայաստանի առաջին խմբի առաջնության հաղթող, իսկ նույն տարվա նոյեմբերի 10-ին, Հայաստանի բարձրագույն խմբի առաջնության վերջին տուրի՝ Գյումրիի «Շիրակի» դեմ արտագնա խաղում Էդգար Մալաքյանն իր նորամուտն է նշել «Փյունիկի» գլխավոր թիմում։ 2012 թվականի ամռանը նա «Փյունիկից» տեղափոխվել է Չեխիայի ուժեղագույն թիմերից մեկը՝ Պլզենի «Վիկտորիա»։Մալաքյանն իր կարիերայի ընթացքում խաղացել է նաև չեխական «Չեսկե Բուդեյովիցեում», Երևանի «Բանանցում» (ներկայիս՝ «Ուրարտու»), «Ալաշկերտում», Գյումրիի «Շիրակում», ուկրաինական «Ստալում», ղազախական «Ժետիսուում» և ռումինական «Պետրոլուլում»։ Նրա նախորդ թիմը եղել է Երևանի «Արարատը»։Էդգար Մալաքյանը «Փյունիկի» կազմում երեք անգամ դարձել է Հայաստանի չեմպիոն (2008, 2009 և 2010թթ․), երեք անգամ՝ 2009, 2010 և 2020/21թթ․ նվաճել է Հայաստանի գավաթը (2-ը՝ «Փյունիկի», մեկ անգամ՝ «Արարատի» կազմում) և նույնքան անգամ «Փյունիկի» հետ դարձել է Հայաստանի սուպերգավաթակիր (2008, 2010 և 2011թթ․)։2008 թվականի արդյունքներով՝ «Ֆուտբոլ պլյուս» շաբաթաթերթի կողմից ճանաչվել է «Տարվա հայտնություն»։Նշենք, որ Հայաստանի Բարձրագույն խմբի առաջնություններում փորձառու ֆուտբոլիստն անցկացրել է 232 խաղ և խփել 29 գնդակ։Մալաքյանը հանդես է եկել Հայաստանի Մ-19 և Մ-21 տարեկանների հավաքականներում, իսկ 2009 թվականի օգոստոսի 12-ին, Մոլդովայի հավաքականի դեմ ընկերական խաղում իր նորամուտն է նշել Հայաստանի ազգային հավաքականում։ Մեր ընտրանու կազմում նա անցկացրել է 21 հանդիպում։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ֆուտբոլ, ֆուտբոլիստ, փյունիկ
հայաստան, ֆուտբոլ, ֆուտբոլիստ, փյունիկ
Բարի գալուստ տուն. «Փյունիկին» է միացել 32-ամյա կիսապաշտպան Էդգար Մալաքյանը
12:37 13.01.2023 (Թարմացված է: 12:44 13.01.2023) Մալաքյանը «Փյունիկի» սան է: 2007 թվականի մրցաշրջանում նա «Փյունիկ-2»-ի կազմում դարձել է Հայաստանի առաջին խմբի առաջնության հաղթող:
ԵՐԵՎԱՆ, 13 հունվարի – Sputnik. 32-ամյա կիսապաշտպան Էդգար Մալաքյանը պայմանագիր է կնքել «Փյունիկ» ֆուտբոլային ակումբի հետ։ Տեղեկությունը հրապարակվել է ակումբի
կայքում։
«Բարի գալուստ տուն, Էդգար»,- ողջունել է «Փյունիկը» և հիշեցրել Մալաքյանի ամենագեղեցիկ գոլերից մեկը, որը նա խփել է 12 տարի առաջ՝ Չեմպիոնների լիգայի խաղարկության որակավորման փուլում գրավելով Չեխիայի չեմպիոն Պլզենի «Վիկտորիայի» դարպասը։
Մալաքյանը «Փյունիկի» սան է: 2007 թվականի մրցաշրջանում նա «Փյունիկ-2»-ի կազմում դարձել է Հայաստանի առաջին խմբի առաջնության հաղթող, իսկ նույն տարվա նոյեմբերի 10-ին, Հայաստանի բարձրագույն խմբի առաջնության վերջին տուրի՝ Գյումրիի «Շիրակի» դեմ արտագնա խաղում Էդգար Մալաքյանն իր նորամուտն է նշել «Փյունիկի» գլխավոր թիմում։ 2012 թվականի ամռանը նա «Փյունիկից» տեղափոխվել է Չեխիայի ուժեղագույն թիմերից մեկը՝ Պլզենի «Վիկտորիա»։
Մալաքյանն իր կարիերայի ընթացքում խաղացել է նաև չեխական «Չեսկե Բուդեյովիցեում», Երևանի «Բանանցում» (ներկայիս՝ «Ուրարտու»), «Ալաշկերտում», Գյումրիի «Շիրակում», ուկրաինական «Ստալում», ղազախական «Ժետիսուում» և ռումինական «Պետրոլուլում»։ Նրա նախորդ թիմը եղել է Երևանի «Արարատը»։
Էդգար Մալաքյանը «Փյունիկի» կազմում երեք անգամ դարձել է Հայաստանի չեմպիոն (2008, 2009 և 2010թթ․), երեք անգամ՝ 2009, 2010 և 2020/21թթ․ նվաճել է Հայաստանի գավաթը (2-ը՝ «Փյունիկի», մեկ անգամ՝ «Արարատի» կազմում) և նույնքան անգամ «Փյունիկի» հետ դարձել է Հայաստանի սուպերգավաթակիր (2008, 2010 և 2011թթ․)։
2008 թվականի արդյունքներով՝ «Ֆուտբոլ պլյուս» շաբաթաթերթի կողմից ճանաչվել է «Տարվա հայտնություն»։
Նշենք, որ Հայաստանի Բարձրագույն խմբի առաջնություններում փորձառու ֆուտբոլիստն անցկացրել է 232 խաղ և խփել 29 գնդակ։
Մալաքյանը հանդես է եկել Հայաստանի Մ-19 և Մ-21 տարեկանների հավաքականներում, իսկ 2009 թվականի օգոստոսի 12-ին, Մոլդովայի հավաքականի դեմ ընկերական խաղում իր նորամուտն է նշել Հայաստանի ազգային հավաքականում։ Մեր ընտրանու կազմում նա անցկացրել է 21 հանդիպում։
