https://arm.sputniknews.ru/20221220/i-pataskhan-garegin-bi-dimumneri-ehkhn-ev-eek-n-berdzvori-harcvov-namak-en-hghel-bvorelin-52904876.html
Ի պատասխան Գարեգին Բ–ի դիմումների՝ ԵՀԽ–ն և ԵԵԿ-ն Բերձորի հարցով նամակ են հղել Բորելին
Ի պատասխան Գարեգին Բ–ի դիմումների՝ ԵՀԽ–ն և ԵԵԿ-ն Բերձորի հարցով նամակ են հղել Բորելին
Sputnik Արմենիա
Սաուկան և Սորենսենն իրենց նամակում դատապարտել են Ադրբեջանի կողմից Բերձորի մարդասիրական միջանցքի փակումը 20.12.2022, Sputnik Արմենիա
2022-12-20T19:08+0400
2022-12-20T19:08+0400
2022-12-20T19:08+0400
հայաստան
ամենայն հայոց կաթողիկոս գարեգին բ
նամակ
https://cdn.am.sputniknews.ru/img/07e4/0c/01/25580432_0:63:1601:963_1920x0_80_0_0_1d88a4b58e9749c0b3caecf8c729b935.jpg
ԵՐԵՎԱՆ, 20 դեկտեմբերի – Sputnik. Ի պատասխան Ամենայն հայոց կաթողիկոս Գարեգին Երկրորդի դիմումների՝ Եկեղեցիների համաշխարհային խորհրդի գլխավոր քարտուղարի պաշտոնակատար Իոան Սաուկան և Եկեղեցիների եվրոպական կոնֆերանսի գլխավոր քարտուղար Յորգեն Սկոֆ Սորենսենը համատեղ նամակ են հղել Եվրոպական Միության արտաքին քաղաքականության և անվտանգության հարցերով պատասխանատու Ժոզեպ Բորելին։ Տեղեկությունը հայտնում է Մայր աթոռի տեղեկատվական համակարգը։Սաուկան և Սորենսենն իրենց նամակում դատապարտել են Ադրբեջանի կողմից Բերձորի մարդասիրական միջանցքի փակումը, ինչի հետևանքով շրջափակման մեջ է հայտնվել Արցախը։«Սա 2020 թվականի նոյեմբերի 9-ին եռակողմ կնքված համաձայնագրի խախտում է, որով ոտնահարվում են միջազգային մարդասիրական իրավունքները և բարոյական սկզբունքները»,– նշված է հայտարարության մեջ:Համատեղ նամակում նշվում է, որ Ադրբեջանը, մարդասիրական միջանցքը փակելով, այն էլ` ձմռանը, և ժամանակավորապես դադարեցնելով գազի մատակարարումը, միտումնավոր հումանիտար արտակարգ իրավիճակ է ստեղծել 120.000 էթնիկ հայերի համար։Նշվում է նաև, որ Ադրբեջանի զինված ուժերի կողմից հայերի նկատմամբ մարդու իրավունքների կոպիտ խախտումների ու հանցագործությունների համար տվյալ երկիրը պատասխանատվության չի ենթարկվել։«Այս պայմաններում հայ ժողովրդի մտավախությունները, որ ադրբեջանական ագրեսիան միտված է իրենց դեմ ցեղասպանություն իրականացնելու, անհերքելի է, ինչն էլ ավելի է ընդգծվում ներկայիս իրողությունների համատեքստում»,–ասվում է նամակում։Կոչ է արվում ԵՄ-ին բոլոր դիվանագիտական նախաձեռնություններով հետամուտ լինել, որպեսզի Ադրբեջանը վերաբացի Բերձորի մարդասիրական միջանցքը և համապատասխան երաշխիքներ տրամադրի այն բաց պահելու համար:Հիշեցնենք, որ դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։Նույնը տեղի էր ունեցել նաև դեկտեմբերի 3-ին։ ՌԴ խաղաղապահների՝ ավելի քան երեք ժամ տևած բանակցություններից հետո ճանապարհը երկկողմանի բացվել էր։Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Մարդիկ զրկված էին ջեռուցումից, տաք ջրից, բուժհաստատությունները չէին կարողանում ապահովել առաջնային բժշկական օգնություն, Արցախի ուսումնական հաստատություններում, որոնք ջեռուցվում են գազով, դադարեցվել էր դասապրոցեսը։Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։Լաչինի միջանցքը, սակայն, շարունակում է փակ մնալ։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ամենայն հայոց կաթողիկոս գարեգին բ, նամակ
հայաստան, ամենայն հայոց կաթողիկոս գարեգին բ, նամակ
Ի պատասխան Գարեգին Բ–ի դիմումների՝ ԵՀԽ–ն և ԵԵԿ-ն Բերձորի հարցով նամակ են հղել Բորելին
Սաուկան և Սորենսենն իրենց նամակում դատապարտել են Ադրբեջանի կողմից Բերձորի մարդասիրական միջանցքի փակումը
ԵՐԵՎԱՆ, 20 դեկտեմբերի – Sputnik. Ի պատասխան Ամենայն հայոց կաթողիկոս Գարեգին Երկրորդի դիմումների՝ Եկեղեցիների համաշխարհային խորհրդի գլխավոր քարտուղարի պաշտոնակատար Իոան Սաուկան և Եկեղեցիների եվրոպական կոնֆերանսի գլխավոր քարտուղար Յորգեն Սկոֆ Սորենսենը համատեղ նամակ են հղել Եվրոպական Միության արտաքին քաղաքականության և անվտանգության հարցերով պատասխանատու Ժոզեպ Բորելին։ Տեղեկությունը հայտնում է
Մայր աթոռի տեղեկատվական համակարգը։
Սաուկան և Սորենսենն իրենց նամակում դատապարտել են Ադրբեջանի կողմից Բերձորի մարդասիրական միջանցքի փակումը, ինչի հետևանքով շրջափակման մեջ է հայտնվել Արցախը։
«Սա 2020 թվականի նոյեմբերի 9-ին եռակողմ կնքված համաձայնագրի խախտում է, որով ոտնահարվում են միջազգային մարդասիրական իրավունքները և բարոյական սկզբունքները»,– նշված է հայտարարության մեջ:
Համատեղ նամակում նշվում է, որ Ադրբեջանը, մարդասիրական միջանցքը փակելով, այն էլ` ձմռանը, և ժամանակավորապես դադարեցնելով գազի մատակարարումը, միտումնավոր հումանիտար արտակարգ իրավիճակ է ստեղծել 120.000 էթնիկ հայերի համար։
«Սա այնպիսի արարք է, որը հակասում է Ադրբեջանի կողմից բարի կամքի և մարդասիրական պատասխանատվության ցանկացած պնդումներին»,- ասված է նամակում։
Նշվում է նաև, որ Ադրբեջանի զինված ուժերի կողմից հայերի նկատմամբ մարդու իրավունքների կոպիտ խախտումների ու հանցագործությունների համար տվյալ երկիրը պատասխանատվության չի ենթարկվել։
«Այս պայմաններում հայ ժողովրդի մտավախությունները, որ ադրբեջանական ագրեսիան միտված է իրենց դեմ ցեղասպանություն իրականացնելու, անհերքելի է, ինչն էլ ավելի է ընդգծվում ներկայիս իրողությունների համատեքստում»,–ասվում է նամակում։
Կոչ է արվում ԵՄ-ին բոլոր դիվանագիտական նախաձեռնություններով հետամուտ լինել, որպեսզի Ադրբեջանը վերաբացի Բերձորի մարդասիրական միջանցքը և համապատասխան երաշխիքներ տրամադրի այն բաց պահելու համար:
«Մենք կոչ ենք անում անել հնարավորը` ապահովելու հայ-ադրբեջանական սահմանին ԵՄ դիտորդական առաքելության մանդատի երկարաձգումը՝ ներառելով Լաչինի միջանցքը և ապահովել անկախ մոնիտորինգ»,- եզրափակել են նրանք։
Հիշեցնենք, որ դեկտեմբերի 12-ի առավոտյան Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն
անջատել էր նաև Արցախի գազամատակարարումը։ Մարդիկ զրկված էին ջեռուցումից, տաք ջրից, բուժհաստատությունները չէին կարողանում ապահովել առաջնային բժշկական օգնություն, Արցախի ուսումնական հաստատություններում, որոնք ջեռուցվում են գազով, դադարեցվել էր դասապրոցեսը։
Դեկտեմբերի 16–ի
առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
