ՀՀ ոստիկանության ստորաբաժանումները 3 օրում հանցագործության 118 դեպք են բացահայտել
10:59 12.12.2022 (Թարմացված է: 11:24 12.12.2022)
© Sputnik / Andranik Ghazaryan
Բաժանորդագրվել
ՀՀ ոստիկանությունը ներկայացրել է անցած 3 օրերի օպերատիվ իրավիճակը Հայաստանում։
ԵՐԵՎԱՆ, 12 դեկտեմբերի – Sputnik. Դեկտեմբերի 9-ից 12-ը Հայաստանի Հանրապետության ոստիկանության ստորաբաժանումները բացահայտել են հանցագործության 118 դեպք։ Տեղեկությունը հայտնում է ոստիկանության մամուլի ծառայությունը։
«Բացահայտվել են անձնական ունեցվածքի գողության 22, թմրամիջոցի հայտնաբերման 18, մարմնական վնասվածք պատճառելու 15, ընտանեկան բռնության 11, խարդախության և յուրացնելու կամ վատնելու 9-ական, ֆիզիկական ներգործության 4, բնակարանային գողության 3, պաշտոնեական կեղծիքի 2, սպանության, բռնաբարության կամ բռնաբարության փորձի 1-ական դեպքեր և այլ հանցագործություններ»,–նշված է հաղորդագրության մեջ։
Երեք օրում հայտնաբերվել են 1 անհետ կորած, 6 հետախուզվող։ Կամավոր ներկայացել է 3 հետախուզվող։
Նշվում է նաև, որ անցած 1 օրվա ընթացքում հանրապետությունում արձանագրվել է ճանապարհատրանսպորտային 36 պատահար. 58 մարդ ստացել է տարբեր աստիճանի մարմնական վնասվածքներ:
