https://arm.sputniknews.ru/20220831/erekhaneri-hamar-havasar-mvotecum-klini-andreasjany-handipec-avag-dprvocneri-tnorennerin-47521313.html
Երեխաների համար հավասար մոտեցում կլինի. Անդրեասյանը հանդիպեց ավագ դպրոցների տնօրենների հետ
Երեխաների համար հավասար մոտեցում կլինի. Անդրեասյանը հանդիպեց ավագ դպրոցների տնօրենների հետ
Sputnik Արմենիա
ՀՀ ԿԳՄՍ փոխնախարար Ժաննա Անդրեասյանը ուսումնական տարվան նախորդող հերթական օգոստոսյան խորհրդակցությունն է անցկացրել Երևանում։ 31.08.2022, Sputnik Արմենիա
2022-08-31T14:07+0400
2022-08-31T14:07+0400
2022-08-31T14:58+0400
ժաննա անդրեասյան
դպրոց
տնօրեն
խորհրդակցություն
https://cdn.am.sputniknews.ru/img/07e6/08/1f/47519057_0:90:1600:990_1920x0_80_0_0_80898b859fd59a98eaf65c8f7988e9f1.jpg
ԵՐԵՎԱՆ, 31 օգոստոսի – Sputnik. ԿԳՄՍ նախարարությունն իր վարած քաղաքականությամբ պետք է հասնի նրան, որ վերջապես դադարեն այն խոսակցությունները, թե ինչ է տալիս ավագ դպրոցներում ուսուցումը։ Այսօր «Մոսկվայի տուն» մշակութային կենտրոնում տեղի ունեցած ԿԳՄՍ նախարարության՝ ավագ դպրոցների օգոստոսյան խորհրդակցության ժամանակ հայտարարեց ԿԳՄՍ նախարարի տեղակալ Ժաննա Անդրեասյանը։ Խորհրդակցությանը ներկա էին ավագ դպրոցների տնօրեններ։Անդրեասյանը դիմելով ներկաներին շեշտեց՝ պետությունը երեխաների որակյալ կրթության վրա բավականին գումար է ծախսում և ուզում է արդյունքներ ստանալ։«Անհատական բաղադրիչի ներդրումն ու մոդուլային սկզբունքով դասընթացների կազմակերպման հնարավորությունը թույլ է տալիս, որպեսզի դպրոցները կարողանան առարկայական ծրագրեր մշակել ու դրանք իրականացնել։ Դա տալու է ռեալ հնարավորություն զարգացնելու մասնագիտական կողմնորոշումը, դրան համապատասխան հմտությունները, և երեխաները կարողանալու են կրթական մյուս աստիճանն անցնել շատ ավելի պատրաստված»,–ասաց Անդրեասյանը։Նրա խոսքով` 2023 թվականի սեպտեմբերի 1–ից բոլոր հանրակրթական դպրոցներում պետք է ներդրվեն հանրակրթության պետական առարկայական նոր չափորոշիչները, որոնք նախորդ տարվանից փորձարկվում են Տավուշի մարզում։«Ամենակարևոր փոփոխությունը հավասար մոտեցումն է։ Մինչ այս մենք ունեցել ենք առանձին մոտեցում ավագ դպրոցներում երեխաների կրթության կազմակերպման և միջնակարգ դպրոցների սովորողների կրթության կազմակերպման մասով։ Մասնավորապես ավագ դպրոցներում եղել է հոսքային ուսուցում` յուրաքանչյուրի մասնագիտական կողմնորոշմանը համեմատ, իսկ միջնակարգ դպրոցներում երեխաները նման հնարավորություն չեն ունեցել»,–ասաց նա, շեշտելով, որ գյուղական բնակավայրերում երեխաները զրկված են կրթություն ստանալու նույն հնարավորություններից։Ըստ նոր փոփոխության` ավագ դպրոցում յուրաքանչուր երեխա կկարողանա իր անհատական դասացուցակը կազմել, իհարկե դրա մեջ կներառվեն նաև պարտադիր առարկաներ, օրինակ հայոց լեզու, գրականություն, պատմություն։Ժաննա Անդրեասյանի տեղեկացմամբ՝ որոշվել է հրաժարվել բազմահամակազմ դասարաններից, ինչը նպատակային չէ և խոչընդոտում է ուսումնական գործընթացի պատշաճ կազմակերպմանը: Բազմահամակազմ կարող է լինել միայն «Արհեստ, արվեստ» և «Ֆիզիկական կենսագործունեություն և անվտանգություն» բնագավառների առարկաների ուսուցումը։ Այս ուսուցիչները կվարձատրվեն ավելի, քան մեկ դասաժամի արժեքն է։Հանդիպումն ավարտվեց հարցուպատասխանով: Ներկաներին մասնավորապես հետաքրքրում էին խմբակների ձևավորման ու վարձատրության, միջին մասնագիտական կրթության ուսուցիչների հետագա գործունեության, դրույքաչափերի ապահովման վերաբերյալ և այլ հարցեր:Ավելի վաղ օգոստոսյան խորհրդակցություններ էին անցկացվել Լոռու, Գեղարքունիքի, Շիրակի, Սյունիքի, Վայոց Ձորի, Արարատի, Արմավիրի, Արագածոտնի մարզերում։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ժաննա անդրեասյան, դպրոց, տնօրեն, խորհրդակցություն
ժաննա անդրեասյան, դպրոց, տնօրեն, խորհրդակցություն
Երեխաների համար հավասար մոտեցում կլինի. Անդրեասյանը հանդիպեց ավագ դպրոցների տնօրենների հետ
14:07 31.08.2022 (Թարմացված է: 14:58 31.08.2022) ՀՀ ԿԳՄՍ փոխնախարար Ժաննա Անդրեասյանը ուսումնական տարվան նախորդող հերթական օգոստոսյան խորհրդակցությունն է անցկացրել Երևանում։
ԵՐԵՎԱՆ, 31 օգոստոսի – Sputnik. ԿԳՄՍ նախարարությունն իր վարած քաղաքականությամբ պետք է հասնի նրան, որ վերջապես դադարեն այն խոսակցությունները, թե ինչ է տալիս ավագ դպրոցներում ուսուցումը։ Այսօր «Մոսկվայի տուն» մշակութային կենտրոնում տեղի ունեցած ԿԳՄՍ նախարարության՝ ավագ դպրոցների օգոստոսյան խորհրդակցության ժամանակ հայտարարեց ԿԳՄՍ նախարարի տեղակալ Ժաննա Անդրեասյանը։ Խորհրդակցությանը ներկա էին ավագ դպրոցների տնօրեններ։
Անդրեասյանը դիմելով ներկաներին շեշտեց՝ պետությունը երեխաների որակյալ կրթության վրա բավականին գումար է ծախսում և ուզում է արդյունքներ ստանալ։
«Անհատական բաղադրիչի ներդրումն ու մոդուլային սկզբունքով դասընթացների կազմակերպման հնարավորությունը թույլ է տալիս, որպեսզի դպրոցները կարողանան առարկայական ծրագրեր մշակել ու դրանք իրականացնել։ Դա տալու է ռեալ հնարավորություն զարգացնելու մասնագիտական կողմնորոշումը, դրան համապատասխան հմտությունները, և երեխաները կարողանալու են կրթական մյուս աստիճանն անցնել շատ ավելի պատրաստված»,–ասաց Անդրեասյանը։
Նրա խոսքով` 2023 թվականի սեպտեմբերի 1–ից բոլոր հանրակրթական դպրոցներում պետք է ներդրվեն հանրակրթության պետական առարկայական նոր չափորոշիչները, որոնք նախորդ տարվանից փորձարկվում են Տավուշի մարզում։
«Ամենակարևոր փոփոխությունը հավասար մոտեցումն է։ Մինչ այս մենք ունեցել ենք առանձին մոտեցում ավագ դպրոցներում երեխաների կրթության կազմակերպման և միջնակարգ դպրոցների սովորողների կրթության կազմակերպման մասով։ Մասնավորապես ավագ դպրոցներում եղել է հոսքային ուսուցում` յուրաքանչյուրի մասնագիտական կողմնորոշմանը համեմատ, իսկ միջնակարգ դպրոցներում երեխաները նման հնարավորություն չեն ունեցել»,–ասաց նա, շեշտելով, որ գյուղական բնակավայրերում երեխաները զրկված են կրթություն ստանալու նույն հնարավորություններից։
Ըստ նոր փոփոխության` ավագ դպրոցում յուրաքանչուր երեխա կկարողանա իր անհատական դասացուցակը կազմել, իհարկե դրա մեջ կներառվեն նաև պարտադիր առարկաներ, օրինակ հայոց լեզու, գրականություն, պատմություն։
Ժաննա Անդրեասյանի տեղեկացմամբ՝ որոշվել է հրաժարվել բազմահամակազմ դասարաններից, ինչը նպատակային չէ և խոչընդոտում է ուսումնական գործընթացի պատշաճ կազմակերպմանը: Բազմահամակազմ կարող է լինել միայն «Արհեստ, արվեստ» և «Ֆիզիկական կենսագործունեություն և անվտանգություն» բնագավառների առարկաների ուսուցումը։ Այս ուսուցիչները կվարձատրվեն ավելի, քան մեկ դասաժամի արժեքն է։
Հանդիպումն ավարտվեց հարցուպատասխանով: Ներկաներին մասնավորապես հետաքրքրում էին խմբակների ձևավորման ու վարձատրության, միջին մասնագիտական կրթության ուսուցիչների հետագա գործունեության, դրույքաչափերի ապահովման վերաբերյալ և այլ հարցեր:
Ավելի վաղ օգոստոսյան խորհրդակցություններ էին անցկացվել Լոռու, Գեղարքունիքի, Շիրակի, Սյունիքի, Վայոց Ձորի, Արարատի, Արմավիրի, Արագածոտնի մարզերում։
