ԵՐԵՎԱՆ, 12 հունիսի – Sputnik. Հանրապետության տարածքում հունիսի 12-13-ին՝ կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է կարկուտ։ Հունիսի 14-16-ը սպասվում է առանց տեղումների եղանակ։
«Հոր աղջիկն է, շատ նման են». Լիլուի դուստրն արդեն 7 ամսական է
Տեղեկությունը հայտնում են ՀՀ ԱԻՆ «Հիդրոմետ» ծառայությունից և հավելում, որ քամին հարավ-արևմտյան է՝ 5-10 մ/վ արագությամբ, ամպրոպի ժամանակ առանձին շրջաններում սպասվում է քամու ուժգնացում 15-20 մ/վ:
Օդի ջերմաստիճանը հունիսի 12-16-ի ցերեկն աստիճանաբար կբարձրանա 5-7 աստիճանով։
Երևան քաղաքում հունիսի 12-16-ը սպասվում է առանց տեղումների եղանակ, երեկոյան ժամերին հնարավոր է քամու ուժգնացում՝ 18-20 մ/վ արագությամբ։
Մայրաքաղաքում հունիսի 12–ի գիշերը կլինի 16-18 աստիճան տաքություն, իսկ ցերեկային ժամերին կգրանցվի +31...+33 աստիճան։
