ԵՐԵՎԱՆ, 25 հունվարի – Sputnik. Հունվարի 24-ին ՌԴ ԱԻ նախարարության համահավաք խմբավորման բուժաշխատողները տեղի բնակչության խորհրդատվական-ախտորոշիչ ընդունելություն են անցկացրել Իվանյան բնակավայրի փրկարարների ճամբարի բուժկետում։ Տեղեկությունը հայտնում է ՌԴ ԱԻՆ-ի կայքը։
Հաղորդագրության համաձայն` տեղի բնակիչներն առավել հաճախ դիմում են վերին շնչուղիների, աղեստամոքսային տրակտի հիվանդությունների, տարբեր վնասվածքների և վերքերի, այդ թվում՝ բեկորային և հրազենային վիրավորումների, ինչպես նաև մաշկի բորբոքային հիվանդությունների, ենթամաշկային ճարպաբջջային հյուսվածքի և փափուկ հյուսվածքների հիվանդություններով:
Նշենք, որ մարդասիրական առաքելության շրջանակներում Լեռնային Ղարաբաղում 2020թ. նոյեմբերի 25-ից ՌԴ Արտակարգ իրավիճակների նախարարության բուժաշխատողներն Իվանովոյում բուժօգնություն են ցուցաբերել տեղի ավելի քան 250 բնակչի, որից շուրջ 150-ը՝ թերապևտիկ, 100-ը՝ վիրաբուժական պրոֆիլի:
Ռուսաստանի ԱԻՆ-ի մասնագետները նաև ակտիվորեն մասնակցում են Լեռնային Ղարաբաղի դպրոցներում անվտանգության դասերի անցկացմանը։ Արդեն անցկացվել է շուրջ 50 պարապմունք։
Բացի այդ, նրանք ապահովում են գերատեսչության համահավաք խմբավորման բժշկական ուղեկցությունը արտագնա առաջադրանքների ժամանակ։
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են