ԵՐԵՎԱՆ, 9 դեկտեմբերի — Sputnik. Երևանում այսօր ողբերգական ավտովթար է տեղի ունեցել։ Ինչպես հայտնում է Shamshyan.com–ը, ժամը 09։15-ի սահմաններում Արշակունյաց պողոտայում բախվել են Lada Priora և Lexus մակնիշի ավտոմեքենաները։
Հարվածի ուժգնության հետևանքով Lexus-ն էլ բախվել է ճանապարհի թույլատրելի հատվածում կայանված Mercedes մակնիշի ավտոմեքենային։
Վթարի հետևանքով 3 հոգի, որոնց ավտոմեքենաներից դուրս են բերել քաղաքացիներն ու դեպքի վայր ժամանած ԱԻՆ փրկարարները, տեղափոխվել են հիվանդանոց։
Կարճ ժամանակ անց Երևանի 1-03 շտապօգնության կայանից ահազանգ է ստացվել Երևանի ՃՈ օպերատիվ կառավարման կենտրոն, որ հիվանդանոց տեղափոխելու ճանապարհին վիրավորներից մեկը, գիտակցության չգալով, մահացել է։
Դեղատներում մեծ պահանջարկ ունեցող դեղերը թանկացել են. «Ժողովուրդ»
Փաստի առթիվ հարուցվել է քրեական գործ ՀՀ ՔրՕր 242 հոդվածի 2-րդ մասի (Ճանապարհային երթեւեկության եւ տրանսպորտային միջոցների շահագործման կանոնները խախտելը) հատկանիշներով։ Ոստիկանությունն ու քննչական բաժինը պարզում են վիրավորների և մահացածի ինքնությունը։
