ԵՐԵՎԱՆ, 17 մայիս – Sputnik. Երևանի Կ. Դեմիրճյանի անվան մետրոպոլիտենի տնօրեն Փայլակ Յայլոյանն աշխատանքից ազատվել է սեփական դիմումի համաձայն։ Sputnik Արմենիային այս մասին հայտնեց Մետրոպոլիտենի մամուլի խոսնակ Տաթև Խաչատրյանը։
«Փայլակ Յայլոյանն աշխատանքից ազատվելու դիմումը գրել էր դեռ մարտին։ Մեզ համար նորություն չէր։ Նա միշտ ասում էր, որ երբ հասնի կենսաթոշակային տարիքին, դիմում է գրելու»,– ասաց նա։
Յայլոյանը 63 տարեկան է, այսինքն՝ հատել է կենսաթոշակային տարիքը։
Այս պահին նրան փոխարինում է Յայլոյանի տեղակալ, երթևեկություն մասնաճյուղի պետ Գևորգ Ավետիսյանը:
Նոր ղեկավարին նշանակելու է Երևանի քաղաքապետը։
