ԵՐԵՎԱՆ, 19 մարտի — Sputnik. Շատերն են հիշում ամերիկյան կուլտային դարձած «Կեղտոտ պարեր» (Dirty Dancing) ֆիլմը։ Պատրիկ Սուեյզիի և Ջենիֆեր Գրեյի մասնակցությամբ 1987 թվականին թողարկված ֆիլմը դարձավ վարձույթում ամենապահանջվածը` գլխավոր հերոսների հիանալի պարային համարի շնորհիվ։
Ֆիլմի սաունդթրեքն իր հերթին «Պլատինե ձայնասկավառակ» դարձավ, իսկ «(I've Had) The Time of My Life» ստեղծագործությունն արժանացավ «Օսկարի» և «Ոսկե գլոբուսի» «Լավագույն երգ» անվանակարգում, ինչպես նաև «Գրեմիի»` լավագույն դուետի համար։ Այդպիսի պար նման երաժշտության տակ բոլորը չէ, որ կհանդգնեին կրկնել։
Սակայն հայտնի դարձած տեսահոլովակի երիտասարդ զույգը ոչ միայն ռիսկի էր դիմել սեփական հարսանիքին այդ երաժշտությունն օգտագործելով, այլև չէին վախեցել կրկնել ֆիլմի աստղերի պարը։
Երիտասարդ ամուսինների կատարումն ապշեցնում է ոչ միայն ճկուն, հիանալի մշակված շարժումներով, բարդ տարրերով և գեղեցիկ դետալներով, այլև արտիստականությամբ։ Նորապսակներն արժանացան ինչպես տոնակատարության հյուրերի բուռն ծափերին, այնպես էլ համացանցի բազմաթիվ օգտատերերի հիացմունքին։
Օգտատերերը գրում են, որ երիտասարդները նույնիսկ ավելի լավ պարեցին, քանի ֆիլմի հերոսները։ Իսկ ոմանք տխրությամբ և նախանձով նշում են` այսպիսի օրը երբեք մոռանալ չի լինի։
