ԵՐԵՎԱՆ, 28 օգոստոսի — Sputnik. Օգոստոսի 28-ին, 31-ին, սեպտեմբերի 1-ին՝ երեկոյան ժամերին, հյուսիսային շրջաններում սպասվում է կարճատև անձրև և ամպրոպ, 29-ին և 30-ին սպասվում է առանց տեղումների եղանակ: Այս մասին հայտնում է «Հիդրոմետ» ծառայությունը։
Քամին կլինի հարավարևմտյան՝ 5-10 մ/վ, ամպրոպի ժամանակ սպասվում է քամու ուժգնացում՝ 15-20 մ/վ:
«Օդի ջերմաստիճանն օգոստոսի 31-ից մինչև սեպտեմբերի 1-ն աստիճանաբար կնվազի 3-4 աստիճանով»,- նշված է հաղորդագրության մեջ:
Երևանում օգոստոսի 28-31-ը, սեպտեմբերի 1-ին սպասվում է առանց տեղումների եղանակ:
Այսօր` օգոստոսի 28-ին, մայրաքաղաքում օդի ջերմաստիճանը ցերեկային ժամերին կկազմի 34-36, գիշերային ժամերին` 20-22 աստիճան տաքություն։
