ԵՐԵՎԱՆ, 25 օգոստոսի – Sputnik. Հայաստանի հեծանվային մարզաձևի ազգային հավաքականի հեծանվորդ Էդգար Ստեփանյանը հեծանվավազքի մինչև 23 տարեկանների առաջնությունում 40 կմ խմբակային վազք մրցաձևում դարձավ Եվրոպայի չեմպիոն:
Այս մասին գրել է Հայաստանի հեծանվային մարզաձևերի ֆեդերացիայի նախագահ Արման Սահակյանը.
«Թիմային ճիշտ աշխատանքը և ներդրված բոլոր ջանքերը տվեցին ցանկալի արդյունք:Որպես Հայաստանի հեծանվային մարզաձևերի ֆեդերացիայի նախագահ՝ այս հաղթանակի առթիվ ուզում եմ շնորհավորել Էդգարին, հավաքականի գլխավոր մարզիչ Արմեն Գյոզալյանին և առհասարակ բոլորիս, քանի որ սա Հայաստանի հաղթանակն է: Էդգար ջան, միշտ առաջ»,- ֆեյսբուքյան էջում գրել է Սահակյանը:
Նշենք, որ Ստեփանյանը հավաքել է 98 միավոր` առաջ անցնելով Իտալիայի և Բելգիայի մրցակիցներից։