ԵՐԵՎԱՆ, 19 հուլիսի — Sputnik. Մինչ ԱԱԾ-ն պաշտպանության համակարգում, հատկապես զինակոչիկներին բանակից կեղծ փաստաթղթերով ազատելու նպատակով կոռուպցիոն գործարքներն ու սկանդալային պատմություններն է ներկայացնում հանրությանը, Նոյեմբերյանի N զորամասում դիրքեր բարձրացող զինվորները նախապես 7-10 հազար դրամ գումար են հավաքում սնունդ գնելու համար: Այս մասին գրում է «Ժամանակ» օրաթերթը։
«Բանն այն է, որ մի քանի օր դիրքերում մնացող զինվորներին ինչպես հարկն է չեն կերակրում, և ամեն անգամ հերթապահության գնալուց առաջ զինվորները տնից գումար են խնդրում` սնունդ և ծխախոտ գնելու նպատակով»,- նշված է հոդվածում:
Հիշեցնենք` ՀՀ վարչապետ Նիկոլ Փաշինյանը բազմաթիվ անգամ հայտարարել է, որ ծնողները ոչինչ չուղարկեն ծառայող որդիներին, որովհետև այդ հարցը պետք է լուծի բանակը։
