ԵՐԵՎԱՆ, 11 հունիսի — Sputnik. Հանրապետության տարածքում հունիսի 11-13-ը շրջանների զգալի մասում երեկոյան ժամերին, 14-15-ը առանձին շրջաններում և գիշերվա առաջին կեսին սպասվում է կարճատև անձրև և ամպրոպ, ամպրոպի ժամանակ քամու ուժգնացում` 15-20 մ/վ արագությամբ, առանձին հատվածներում հնարավոր է նաև կարկուտ:
Այս մասին տեղեկացնում է ՀՀ ԱԻՆ «Հիդրոմետ» ծառայությունը։
Օդի ջերմաստիճանը 12-ի ցերեկը կնվազի 2-3 աստիճանով, 14-ի ցերեկը նույնքան կբարձրանա: Քամին՝ հարավարևմտյան 3-8 մ/վ:
Երևանում հունիսի 11-13-ը երեկոյան ժամերին և գիշերվա առաջին կեսին սպասվում է կարճատև անձրև և ամպրոպ, ամպրոպի ժամանակ` քամու ուժգնացում 15-20 մ/վրկ արագությամբ, 14-15-ը անձրևի հավանականությունը փոքր է:
