ԵՐԵՎԱՆ, 1 հունիսի — Sputnik. Ամռան առաջին մի քանի օրերը շատ չեն տարբերվի մայիսյաններից։ Հունիսի 1-3-ը ժամանակ առ ժամանակ, իսկ հունիսի 4-ին` կեսօրից հետո և գիշերվա առաջին կեսին սպասվում է անձրև և ամպրոպ։ Այս մասին տեղեկացնում է ԱԻՆ հիդրոմետ ծառայությունը։
Տեղումնառատ եղանակը կավարտվի հունիսի 5-ին: Այսօր ցերեկը Երևանում օդի ջերմաստիճանը կհասնի մինչև 25 աստիճանի, երեկոյան կիջնի 5 աստիճանով, իսկ գիշերը` մինչև +13։
Օդի ջերմաստիճանը հունիսի 1-2-ը Լոռիում, Տավուշում, Սյունիքում և Արցախում աստիճանաբար կնվազի 6-7 աստիճանով, 4-5-ը նույնքան կբարձրանա:
