ԵՐԵՎԱՆ, 20 ապրիլի — Sputnik. Երևանում ծեծի են ենթարկվել ՀՀ ԱԺ նախկին պատգամավոր Գարեգին Նուշիկյանի որդին։
SHAMSHYAN.com-ի տեղեկություններով՝ վիճաբանություն-ծեծկռտուք է տեղի ունեցել երեկ՝ ապրիլի 19-ին, Երևանում։ Մարմնական վնասվածքներով հիվանդանոց է տեղափոխվել Երևանի բնակիչ՝ 24-ամյա Գագիկ Նուշիկյանը, ով արդեն հիվանդանոց մեկնած ոստիկանության Կենտրոնական բաժնի ծառայողներին հայտնել է, որ վնասվածքները ստացել է Թումանյան փողոցում։
Ոստիկանները պարզել են, որ Գ. Նուշիկյանը ծեծի է ենթարկվել անհայտ անձի կողմից Թումանյան-Փարպեցի փողոցների խաչմերուկում գործող «Ջեմինի» սրճարանում վիճաբանության ժամանակ։ Անծանոթ անձը հարվածել է նրա մարմնի տարբեր մասերին։ Գ. Նուշիկյանը Ազգային ժողովի պատգամավոր Գարեգին Նուշիկյանի որդին է, ով Երևանում գործող ՍՊԸ-ներից մեկի տնօրենն է։
