ԵՐԵՎԱՆ, 18 ապրիլի — Sputnik. Ապրիլի 18-19-ը Հայաստանում տեղումներ չեն կանխատեսվում։ Այս մասին հայտնում է «Հիդրոմետ» ծառայությունը։
Օդի ջերմաստիճանը ապրիլի 18-19-ը, 20-ի գիշերն աստիճանաբար կբարձրանա 5-6, Լոռիում, Տավուշում, Սյունիքում և Արցախում՝ 8-10 աստիճանով, 20-ի ցերեկը, 21-ին, 22-ի գիշերը կնվազի 6-7 աստիճանով:
Երևանում նույնպես ապրիլի 18-19-ը տեղումներ չեն կանխատեսվում։
Այսօր` ապրիլի 18-ին, մայրաքաղաքում օդի ջերմաստիճանը ցերեկային ժամերին կկազմի 22-24, գիշերային ժամերին` 7-9 աստիճան տաքություն։