ԵՐԵՎԱՆ, 29 մարտի — Sputnik. Գայի պողոտայում հետիոտնին վրաերթի ենթարկելու կասկածանքով ձերբակալվել է Երևանի բնակիչ, 21 տարեկան Հարություն Մուրադյանը։ Այս մասին հայտնում է shamshyan.com-ը։
Հիշեցնենք, որ մարտի 27-ին շղթայական ավտովթար էր տեղի ունեցել Երևանում։
Ժամը 10։50-ի սահմաններում Նոր Նորք վարչական շրջանի Գայի պողոտայում՝ «Տաշիր պիցցա»-ի հարևանությամբ, բախվել էին Hyundai Sonata, Fiat և Opel մակնիշի ավտոմեքենաները։
Բախումից հետո Hyundai-ը վրաերթի էր ենթարկել ճանապարհի թույլատրելի հատվածում կանգնած մի քաղաքացու, որին տեղափոխել էին «Սուրբ Գրիգոր Լուսավորիչ» բժշկական կենտրոն։ Տղամարդը, գիտակցության չգալով, մահացել էր։
