ԵՐԵՎԱՆ, 14 դեկտեմբերի — Sputnik. Ռուսաստանի նախագահ Վլադիմիր Պուտինը սխալ է կարդացել իր ասուլիսի ժամանակ լրագրողներից մեկի ձեռքում բռնած պաստառի գրառումը։
«Պուտին բաբայ» արտահայտությունը, որը թաթարերենից թարգմանաբար նշանակում է «Պուտին պապիկ», նախագահը կարդացել էր որպես «Պուտին բայ–բայ»։
Պատասխանելով Life–ի լրագրողի այն հարցին, թե որքանո՞վ է հետաքրքիր նախագահին ուժեղ մրցակից չունենալով մասնակցել ընտրություններին` Պուտինը որոշեց կատակել. «Ահա այն աղջիկը «Պուտին բայ–բայ» գրությամբ պաստառ է բարձրացրել, ավելի սուր լինելու համար»…։
Արտահայտության իրական նշանակությունը բացատրելուց հետո, նախագահը կատակով բողոքել է իր տեսողությունից։
Այնուամենայնիվ, Թաթարստանի լրագրողին հաջողվել է տարածաշրջանի ընդլայնմանը և թաթարերենին վերաբերող իր հարցերն ուղղել նախագահին։
