ԵՐԵՎԱՆ, 25 նոյեմբերի – Sputnik. Երեկ` նոյեմբերի 24-ին, ողբերգական դեպք է տեղի ունեցել Լոռու մարզում: Առավոտյան ժամը 10-ի սահմաններում Վանաձորի ՊՆ N զորամասում զինծառայող է մահացել: Այս տեղեկությունը Sputnik Արմենիայի հետ զրույցում հաստատեց ՊՆ մամուլի քարտուղար Արծրուն Հովհաննիսյանը։
«Պայմանագրային շարքային զինծառայող է եղել։ Նախնական տվյալով, սրտի կաթված է ստացել»,- նշեց Հովհաննիսյանը
Ըստ shamshyan.com-ի` զինծառայողը մահացել է Վանաձորի զինվորական հոսպիտալի ճանապարհին:
Հանկարծամահ եղած զինծառայողը Լոռու մարզի Շահումյան գյուղի բնակիչ, 36-ամյա Գառնիկ Պետրոսյանն է:
