Վրեժ Գաբրիելյան
Ավելի լավ է` անտառային տարածքից մի փոք կորուստ ունենանք, քան բնակավայրում մարդիկ այրվեն, բնակարանները, տները հրի ճարակ դառնան, համոզված է ԱԻՆ Փրկարար ծառայության պետի տեղակալ Վրեժ Գաբրիելյանը։
«Մեր բոլոր հրշեջներն աշխատել ու աշխատելու են հստակ կանոնով` արդարացված ռիսկի պայմանով։ Մենք ունենք հրշեջ, որն այրվածք է ստացել Ջաջուռի հրդեհաշիջման ժամանակ»,– ասաց Գաբրիելյանը։
Նա նշեց, որ բոլոր երկրներում, սովորաբար, անտառային հրդեհների ժամանակ առաջնահերթ գործողություն են կատարում` թույլ չեն տալիս, որ անտառի սահմանից հրդեհը տարածվի և բնակավայրերին սպառնա։
