ԵՐԵՎԱՆ, 2 սեպտեմբերի — Sputnik. «Մեր տեղեկություններով` ԱԺ նախագահ Արա Բաբլոյանը ներկայացուցչական պատվիրակությամբ պաշտոնական այցով կլինի Վրաստանում: Դա նրա արտերկրյա երկրորդ այցն է. առաջինը Ռուսաստան էր»,- գրում է թերթը։
Հոդվածագիրը նշում է, որ վերջին շրջանում ՆԱՏՕ-ի զորավարժությունների օրրանի վերածված Վրաստանում հոկտեմբերի 21-ին սաքրեբուլոյի (ՏԻՄ) ընտրություններ են:
«Ասել է թե` Բաբլոյանն ընտրությունների թեժ պահին կլինի Թբիլիսիում և գեոքաղաքականության «հաճելին» կհամատեղի ընտրությունների «օգտակարի» հետ: Գաղտնիք չէ, որ ընտրությունների ժամանակ հատկապես Ջավախքում Ռուսաստանի խառնակչության դոզան մեծ է լինում: Բաբլոյանը, սակայն, կասի իր «տղամարդկային խոսքը» վիրահայ համայնքին»,- գրում է թերթը: