ԵՐԵՎԱՆ, 19 օգոստոսի — Sputnik. Հոլիվուդյան դերասան Ջոն Մալկովիչը Երևանում կմասնակցի Արամ Խաչատրյանի անվան միջազգային 5-րդ փառատոնի բացման հանդիսավոր երեկոյին: Այս մասին հայտնում է Հայաստանի պետական երիտասարդական նվագախմբի մամուլի ծառայությունը:
Արամ Խաչատրյանի անվան միջազգային 5-րդ փառատոնի բացման հանդիսավոր երեկոն տեղի կունենա հոկտեմբերի 11-ին և կմեկնարկի ժամը 19:00-ին: Միջոցառումը կանցկացվի Արամ Խաչատրյան համերգասրահում:
Մալկովիչը ելույթ կունենա Հայաստանի պետական երիտասարդական նվագախմբի հետ:
Միջոցառման կազմակերպիչը Հայաստանի պետական երիտասարդական նվագախումբն է: