ԵՐԵՎԱՆ, 2 ապրիլի — Sputnik. ՀՀ երկրորդ նախագահի մամուլի խոսնակ Վիկտոր Սողոմոնյանը Sputnik Արմենիային հայտնեց, որ ցավոք, այս պահին Ռոբերտ Քոչարյանը դեռ գտնվում է Մոսկվայում։
«Քոչարյանը Երևանում կլինի երեկոյան ժամը 20.30-ի սահմաններում, քվեարկության ավարտից կես ժամ անց։ Հետևաբար չի կարողանա մասնակցել քվեարկությանը»,- ասաց Սողոմոնյանը։
Հայաստանի Ազգային ժողովի հերթական ընտրություններին մասնակցելու համար առաջադրվել է 9 քաղաքական ուժ, որոնցից 5-ը կուսակցություններ են, 4-ը` կուսակցությունների դաշինքներ: Ընտրություններին մասնակցում են Հայաստանի Հանրապետական, «Հայկական վերածնունդ», «Ազատ դեմոկրատներ», «Հայ Յեղափոխական Դաշնակցություն», Հայաստանի Կոմունիստական կուսակցությունները, ինչպես նաև «Ելք», «Ծառուկյան», «Օհանյան-Րաֆֆի-Օսկանյան» և «Կոնգրես-ՀԺԿ» դաշինքները:
