ԵՐԵՎԱՆ, 31 մարտի — Sputnik. Dilijan Community Center-ի կամավորները Դիլիջանում կանցկացնեն «Բարի գործերի օր»` օգնելով կարիքավորներին, երեխաներին, մաքրելով հանգստավայրի բնությունը, Sputnik Արմենիային հայտնեցին UWC Dilijan միջազգային դպրոցի մամուլի ծառայությունից։
Կիրակի, ապրիլի 2-ին Dilijan Community Center (DCC)-ի նախաձեռնությամբ Դիլիջանում կանցկացվի «Բարի գործերի օր» միջոցառումը։ 2017 թվականին Հայաստանն առաջին անգամ մասնակցում է համաշխարհային բարեգործական այս նախաձեռնությանը։
«Միջոցառման իրականացման գաղափարը վաղուց էր ծագել, և երբ Դիլիջանի համայնքային կենտրոնի կամավորները նախաձեռնողականություն ցուցաբերեցին՝ միանալու ապրիլի 2-ին անցկացվելիք «Բարի գործերի օր» համաշխարհային նախաձեռնությանը, մենք օժանդակեցինք նրանց և օգնեցինք ծրագրի կազմման հարցում», — նշեց DCC տնօրեն Վասիլի Բարդադիմովը։
Ամբողջ օրվա ընթացքում կամավորները նկարելու են քաղաքի պատերի վրա, Շամախյան շրջանում, հավաքելու են շորեր կարիքավոր ընտանիքների, գրքեր` №5 դպրոցի համար, անցորդներին բաժանելու են զվարճալի բացիկներ, գրադարանում երեխաների համար գիրք են կարդալու, հավաքելու են աղբը, ծառեր են տնկելու, նաև սովորեցնելու են բոլոր անցորդներին թղթե լապտերներ պատրաստել։
Արշավին ակնկալվում է 100-ից ավելի դիլիջանցի կամավորների մասնակցություն:
«Բարի գործերի օր» նախաձեռնությունն առաջին անգամ կայացել է 2007 թվականին, Իսրայելում: 2016 թվականին այս ակցիային մասնակցել է 1.500.000 մարդ աշխարհի 75 երկրներից, ովքեր իրականացրել են 14.000 նախագիծ և ավելի քան չորս միլիոն ժամ նվիրել են բարի գործ կատարելուն:
Դիլիջանի համայնքային կենտրոնը հիմնադրվել է Scholae Mundi Armenia հիմնադրամի աջակցությամբ՝ նպատակ ունենալով աջակցել իրավիճակը փոխելու համար ջանքերը համախմբելու պատրաստ հասարակության ձեւավորմանը:
հիմնադրամներից (Scholae Mundi Armenia, Scholae Mundi Russia и Scholae Mundi UK), որոնք միավորում են Scholae Mundi հարթակը։ Դրանց հիմնադիրներն են գործարարներ և բարերարներ Ռուբեն Վարդանյանն ու Վերոնիկա Զոնաբենդը: Scholae Mundi-ի առաքելությունը Հայաստանում կրթության զարգացումն է՝ սոցիալական ուղղվածությամբ նորարար նախագծերի և կրթության, մշակույթի, արվեստի ոլորտում նախաձեռնությունների ներդրմամբ: Առաքելություններից մեկն է նպաստել միջազգային ասպարեզում Հայաստանի դրական կերպարի ձևավորմանը։
