ԵՐԵՎԱՆ, 1 մարտի — Sputnik. Մանկական ապրանքների խոշորագույն առևտրային ցանցը՝ «Մանկական աշխարհ» ընկերությունը, կարող է մուտք գործել հայկական շուկա, հայտարարել է «Սիստեմա» տնօրենների խորհրդի նախագահ և հիմնական բաժնետեր Եվգենի Եվտուշենկովը «Ռոսիա 24» հեռուստաալիքին տված հարցազրույցում:
«Մենք քննարկում ենք Հայաստանի տարբերակը, ուսումնասիրում ենք այլ երկրներում մանկական ապրանքների ցանցեր գնելու հնարավորությունը»,– ասել է Եվտուշենկովը:
Նա նշել է, որ ցանցեր կբացվեն Ղազախստանում, ընկերությունը մտադիր է նաև մուտք գործել Հնդկաստանի շուկա: Ռուսաստանում նախատեսվում է առնվազն 100 նոր խանութ բացել:
«Մանկական աշխարհ» խանութների խումբը միավորում է «Մանկական աշխարհ» խանութների, «ELC–վաղ զարգացման կենտրոն» խանութների ազգային մանրածախ ցանցը, ինչպես նաև համանուն ինտերնետային խանութները:
