ԵՐԵՎԱՆ, 24 փետրվարի – Sputnik. Փետրվարի 24-ին, ժամը 06:41-ին ահազանգ է ստացվել, որ Երևան քաղաքի Դ. Անհաղթի փողոցի թիվ 10 հասցեում գտնվող Ֆրանսիական համալսարանի տարածքում գտնվող ճաշարանից ծուխ է նկատվում: Այս մասին տեղեկացնում է ՀՀ ԱԻՆ լրատվական ծառայությունը։
Դեպքի վայր է մեկնել երկու մարտական հաշվարկ:
Պարզվել է, որ հրդեհը բռնկվել է համալսարանին կից «Take-N-Wake» արագ սննդի կետում:
Հրդեհը մեկուսացվել է ժամը 07:01-ին, մարվել՝ 07:17-ին:
Այրվել է սննդի կետի գույքը՝ մասամբ` մոտ 10 քմ, կախովի առաստաղը` մոտ 50 քմ և պլաստմասե բաժանարար պատը` մոտ 10 քմ:
