ԵՐԵՎԱՆ, 23 փետրվարի-Sputnik. Այսուհետ տուգանքների համար սահմանված տույժի ավելացումը կրկնակի նվազեցվում է։ Այս մասին հայտնեց ՀՀ ոստիկանության պետի տեղակալ Վարդան Եղիազարյանը։ Վարչապետը հարցադրում արեց` նվազեցնու՞մ եք, թե հանում։
«Ոչ նվազեցնում ենք»,-ասաց Եղիազարյանը։
Վարչապետը հարցը կրկնեց։
«Նվազեցնում եք, թե՞ հանում։ Մեր քաղաքացիներին դա է հետաքրքրում»,-ասաց Կարեն Կարապետյանը։
Ի վերջո, Եղիազարյանը տեղի տվեց` «լավ հանում ենք» ասելով։
Վարչապետն էլ շարունակեց թեման։
«Ոնց որ սրտով չեք հանում, ոնց որ հասկանալով չեք հանում։ Պարոն Եղիազարյան, ոնց որ զոռով եք էս բանը բերել»,-ասաց Կարապետյանը։
Ի պատասխան` Վարդան Եղիազարյանը միայն հույս հայտնեց, որ այս որոշումը բյուջեի վրա բեռ չի լինի։