ԵՐԵՎԱՆ, 17 փետրվարի — Sputnik. Փակ է Բերդ-Ճամբարակ ավտոճանապարհը, իսկ Մ-16 ավտոճանապարհի Բագրատաշեն-Ոսկեպար հատվածը փակ է կցորդիչով բեռնատարների համար:Այս մասին նշված է ՀՀ արտակարգ իրավիճակների նախարարության մամուլի ծառայության հաղորդագրության մեջ։
Դժվարանցանելի է Սոթք-Քարվաճառ ավտոճանապարհը և Մ-10 ավտոճանապարհի Վարդենյաց լեռնանցքում:
Մ-2 ավտոճանապարհի Տիգրանաշենի ոլորանների հատվածում և Գորիս-Սիսիան ավտոճանապարհին տեղ-տեղ առկա է մերկասառույց:
Սյունիքի մարզի Կապան, Քաջարան քաղաքներում տեղում է թույլ ձյուն:
Վրաստանի ՆԳՆ ԱԻ դեպարտամենտից ստացված տեղեկատվության համաձայն Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար, բացի կցորդիչով բեռնատարներից:
ԼՂՀ-ում տեղում է ձյուն, դժվարանցանելի են հանրապետության ճանապարհները:
Փակ են Մարտակերտի Մեհմանա և Շուշիի շրջանի Քեյսավան համայնքների ավտոճանապարհները: