ԵՐԵՎԱՆ, 10 փետրվարի — Sputnik. Հայտնի հոլիվուդյան դերասան Ջորջ Քլունիի կինը` Ամալ Քլունին, հղի է, նրանք երկվորյակ են սպասում, հինգշաբթի հայտնել է CBS ամերիկյան հեռուստաալիքը։
Երեխաները լույս աշխարհ կգան հունիսին։
Ինքը` դերասանն այս լուրը նմանակման տեսքով է ներկայացրել։ «Էլեն Դեջեներս շոու» հանրահայտ ծրագրում Քլունին նմանակել է երգչուհի Բեյոնսեին, որի Instagram-ի լուսանկարը վերջերս է հայտնվել ԶԼՄ-ներում։
Դերասան Ջորջ Քլունին և իրավաբան Ամալ Ալամուդինը ամուսնացել են 2017 թվականի սեպտեմբերին Վենետիկում։
Ջորջ Քլունին աջակցում է IDeA հայկական բարեգործական հիմնադրամի «100 LIVES» նախագծին։ Երևանում անցյալ տարի նա մասնակցեց «100 LIVES» նախաձեռնած Aurora Prize մարդասիրական պարգև հանձնման արարողությանը։ Բացի այդ, Ամալ Քլունին պաշտպանել է Հայաստանի շահերը Մարդու իրավունքների եվրոպական դատարանում «Փերինչեքն ընդդեմ Շվեյցարիայի» գործում։