ԵՐԵՎԱՆ, 8 փետրվարի — Sputnik. ԱԺ-ն հավանություն է տվել ԱՊՀ մասնակից պետությունների ինտեգրված արժութային շուկա ձևավորելու մասին գործակցության համաձայնագրին։
«Համաձայնագիրը վերաբերում է ԱՊՀ երկրների արժութային շուկաների հասանելիության հավասարությանը»,- ասաց ՀՀ ԿԲ ղեկավարի տեղակալ Ներսես Երիցյանը։
Նրա խոսքով` որոշ երկրներ տարբերակում են ռեզիդենտներին և ոչ ռեզիդենտներին՝ նրանց տարբեր հասանելիություն տրամադրելով։ Հայաստանի պարագայում նման սահմանափակումներ չկան, բոլորին նույն պայմաններն են տրամադրվում։
ԱՊՀ մասնակից պետությունների ինտեգրված արժութային շուկա ձևավորելու մասին գործակցության համաձայնագիրը ստորագրվել էր Աշխաբադում՝ 2012 թվականի դեկտեմբերի 5-ին։ Համաձայնագիրն ուղղված է ԱՊՀ մասնակից երկրներում բանկային գործարքներում հավասար ու փոխշահավետ մասնակցության համար պայմաններ ստեղծելուն։