ԵՐԵՎԱՆ, 13 դեկտեմբերի — Sputnik. Երևանի ներքաղաքային միկրոավտոբուսային հ.69 երթուղու աշխատանքը դադարեցվելու է 2016թ. դեկտեմբերի 15-ից: Այս մասին նշված է քաղաքապետարանի տարածած հաղորդագրության մեջ։
N69 երթուղու աշխատանքը դադարեցվում է երթուղին սպասարկող կազմակերպության կողմից սպասարկման իրավունքից հրաժարվելու պատճառով։
Միկրոավտոբուսային հ.69 երթուղու ուղևորները կարող են օգտվել երթուղու ուղեգիծն ամբողջությամբ կրկնող ավտոբուսային հ.հ.8, 26, 53, 63 երթուղիների ծառայությունից։
