ԵՐԵՎԱՆ, 28 օգոստոսի — Sputnik. Հայ շախմատիստների պատվին երկու անգամ հնչեց Հայաստանի օրհներգը։ Հայաստանի ևս երեք ներկայացուցիչներ գրավեցին մրցանակային տեղեր և արժանացան մեդալների ու գավաթների։ Այս մասին հայտնում է orer.eu-ն:
Հայկ Մարտիրոսյանը, որը 4 տարի առաջ Եվրոպայի չեմպիոն էր դարձել Պրահայում, այս անգամ 18 տարեկանների մրցույթում գրավեց 5-րդ տեղը։ Մինչև 12 տարեկան աղջիկների մրցույթում Մարիամ Խտյանը գրավեց 4-րդ տեղը, իսկ Արամ Հակոբյանը 16 տարեկանների մրցույթում զբաղեցրեց 5-րդ տեղը։ Եվս մեկ հայուհի՝ 12 տարեկան Եվա Ստեփանյանը Ռուսաստանից, գրավեց 3-րդ տեղը։
Հայաստանի հավաքականը թիմային հաշվարկով գրավեց 2-րդ տեղը՝ զիջելով միայն Ռուսաստանի հավաքականին։ Ռուսները ստացան մրցանակային 20 տեղ, այդ թվում՝ 5 ոսկե մեդալ։