ԵՐԵՎԱՆ, 17 օգոստոսի — Sputnik. Ռիո դե Ժանեյրոյում շարունակվող ամառային Օլիմպիական խաղերում Ամալյա Շառոյանը 36-րդ տեղը գրավեց հեռացատկի մրցաշարում` գրանցելով 5.95 մետր արդյունք:
Շառոյանը Հայաստանի աթլետիկայի թիմի վերջին ներկայացուցիչն էր. Հայաստանի 5 մարզիկ ունեցող թիմն ավարտեց ելույթը Ռիո-2016-ում։
Ավելի վաղ Լիլիթ Հարությունյանն օգոստոսի 15-ին ուժերը փորձել էր 400 մետր արգելավազքում և 1 րոպե 03.13 վայրկյան արդյունքով գրավել վերջին՝ 48-րդ տեղը:
Նույն օրը վազորդուհիներ Դիանա Խուբեսերյանն ու Գայանե Չիլոյանը հանդես էին եկել 200 մետր վազքատարածության որակավորման մրցումներում և չէին հաղթահարել որակավորման փուլը։
Եռացատկի մրցումներին էլ Հայաստանը ներկայացրեց Լևոն Աղասյանը, որի վերջնական արդյունքն է 15մ 54սմ: Այս արդյունքով Աղասյանը Ա խմբում զբաղեցրեց 18-րդ տեղը, իսկ ընդհանուր ցուցակում հայ հեռացատկորդը 38-րդն էր:
Հիշեցնենք, որ աթլետիկայի Հայաստանի թիմն Օլիմպիական խաղերին պետք է մասնակցեր 6 մարզիկով, սակայն հեռացատկորդ Գոռ Ներկարարյանը չէր հայտավորվել: